Raportet mes liderëve shtetëror të Shqipërisë e udhëheqësve të UÇK-së gjatë kohës së Iuftës së fundit në Kosovë, shumë herë kanë qenë pjesë e diskutimit publik e jo vetëm.
Në lidhje me këtë çështje, ka folur edhe një prej atyre që ka qenë i autorizuar të mbante kontakte me krerët shtetëror në Shqipëri.
Xhavit Haliti në emisionin “n’Demos” ka treguar se kush ishte lidhja e tij kryesore në Shqipëri.
“Në kohën kur unë e kam takuar Ramizë Alinë, ne e kemi takuar si organizatë qysh në vitin ’90 zyrtarishtë, unë dhe Emrush Xhemajli kemi qenë disa ditë bashkë në Shqipëri. Janë arkivat që i kemi dërgu dikur, që kemi bërë kërkesa ndonjëherë edhe të paarritshme, e që në analizat e tyre kanë thënë se këta qenkan ekstremista po dojnë me na fut në Iuftë.
Kam takuar njerëz kryesor me të cilët i kam mbajt lidhjet me shtetin shqiptar, me rënien e Ramizit, ka ardh Sali Berisha, aty kam pasur lidhjen kryesore me Adem Qopanin, gjenerali, ai ka pasur një problem me të cilin e kam bisedu me të, ai e ka dhënë një urdhër që të sulmohet faqja e malit që depot që kanë qenë në Berat, sipas tij depot e ar matimit aty kanë qenë të gjitha llojet e ar matimit, qëllimi ka qenë që me i frikësu që mos me i hap depot, dhe socialistët e quanin tradhtar se ka dashur ta bombardonte malin, edhe demokratat se kanë dashur, dhe ai iku, e ka jetu në Amerikë”, ka deklaruar ai.
Haliti ka treguar se në të gjitha qeveritë ka pasur një imunitet mbrojtës të lëvizjes e veprimtarisë në territorin shqiptar.
“Adem Qopani ka qenë lidhja ime me Berishën, jemi takuar me të edhe në zyre, unë Berishën e kam takuar edhe pa u bërë president, kemi nejt kemi bo muhabete, jemi fjalos e jemi pajtu, familjarisht e kam njoftë, unë sa kam nejt në Shqipëri kam pas një mbrojtje që mos mem ngacmu askush, pra e njëjta ka vlejt edhe në kohën e Ramizë Alisë e atë të Sali Berishës e të tjerëve me radhë. Z.Berisha në një moment na patë thënë se unë ju lejoj sa t’iu lejojnë ligjet e Shqipërisë, në atë moment që ligjet thehen, do të merren masa. Aty ai na pat thënë se ju keni diçka më shumë me socialistat, por ne brenda organizatës e kemi pasur një rezolutë, që raportet me Shqipërinë i ndërtojmë vetëm me shtetin shqiptar e nuk futemi në Iuftëra politike atje. Mua personalisht strukturat e shtetit shqiptar më kanë respektu më shumë se sa e kam meritu”, ka thënë ai.
