Gazetarja Zhaklin Lakatari ka komentuar video-skandalin e ish-kryebashkiakut Safet Gjici, i cili u shfaq duke kryer marrëdhënie seksuale në zyrën e Bashkisë me një grua.
Në një intervistë për një emision televiziv ajo theksoi se nuk kishte abuzim në videon intime të Gjicit, ndërsa tregoi se kush do të konsiderohej dhunë.
Më tej ajo nënvizoi se Gjici theu etikën dhe se duhet të largohej nga puna.
“Mua nuk më intereson fare shoqëria shqiptare, është apo jo gati. Gjërat ndodhin pa i pyetur shqiptarët nëse duhet të ndodh një gjë ose një tjetër. Shqiptarët të përveshin mëngët dhe të shohin ku është bota dhe ku janë vetë. Ai bëri shumë mirë që dha dorëheqjen sepse theu etikën. Nëse merret vesh që kjo zonjë e ka filmuar Gjicin pa dijeninë e tij , quhet dhunë”– tha ajo.
Kujtojmë se Safet Gjici është filmuar duke kryer marrëdhënie seksuale me një vajzë në zyrën e tij. Në videon e gjatë më shumë se 2 minuta duket data 6 qershor 2023 ndërkohë që ajo është shpërndarë më 16 qershor.
Pas publikimit të videos Gjici njoftoi se ka dorëzuar dorëheqjen nga posti i kryetarit të bashkisë së Kukësit. Dorëheqjen zgjodhi ta bëjë përmes një postimi në rrjetet sociale duke e nisur me një ndjesë publike dhe akuzuar se ra në kurthin e kundërshtarëve politike.
