Ermiona Lekbello dhe Eva Alika u skualifikuan një ditë më parë nga shtëpia e “Big Brother Vip”, dhe shkak për largimin e tyre u bë fjalori kërcënues dhe ofendues brenda në shtëpi.
Kjo pasi vetëm në Prime-in e kaluar është lexuar një zarf i zi nga Arbana duke u dhënë ultimatum banorëve që nëse vetëm edhe një herë shkelen rregullat e këtij formati sa i përket ofendimeve të ndryshme, do të largohen menjëherë nga loja.
Lidhur me këto dy largime, Kiara dhe Luizi kanë biseduar për mënyrën se si dy banoret u përjashtuan nga Vëllai i Madh.
Gjatë bisedës, Luizi, i tha Kiarës se, të shtunën, mund të përjashtohet ai, pasi mund të vijë një zarf i zi për të. Kjo pasi, sipas këngëtarit, ai dërgoi Evën në limit pastaj ajo e ofendoi dhe u përjashtua nga shtëpia, ndërkohë që Kiara i tha se nuk ai nuk kishte bërë ndonjë gabim të madh.
