Kylian Mbappe ka vendosur një rekord të ri në rrjetet sociale duke arritur 100 milionë ndjekës në “Instagram”.
Ky është një nivel i popullaritetit që vetëm rreth tridhjetë njerëz në botë e kanë tejkaluar,
Mbappe e arriti këtë moment historik vetëm pak ditë pasi u bë golashënuesi më i mirë i të gjitha kohërave te Paris Saint-Germaini, duke tejkaluar rekordin prej 200 golash të Edinson Cavanit.
24-vjeçari tani është francezi më i njohur në “Instagram”, duke tejkaluar çdo rekord të mëparshëm të vendosur nga një personazh i famshëm francez.
Aktualisht, Mbappe renditet në vendin e 36-të në listën e llogarive më të ndjekura në “Instagram” në tërë botën. Ai është ende pas disa yjeve të tjerë të futbollit si Neymar Jr (me 204 milionë ndjekës), Lionel Messi (me 433 milionë ndjekës) dhe Cristiano Ronaldo (me 552 milionë ndjekës). Dy të fundit janë në fakt në top tre të llogarive më të ndjekura, me vetëm llogarinë zyrtare të “Instagramit” që ka më shumë ndjekës – 609 milionë.
Sipas mediave franceze, popullariteti i Kylian Mbappes në mediat sociale pasqyron talentin dhe tërheqjen e tij për një audiencë globale. Si një nga yjet e rinj më të ndritur në botën e futbollit, ndikimi i tij me siguri do të vazhdojë të rritet si në fushë ashtu edhe jashtë saj.
