Kryeministri i Kosovës, Albin Kurti në Ditën Ndërkombëtare Kundër Dhunës Seksuale në Konflikt ka thënë se Serbia i përdori si armë viktimat e dhunës seksuale gjatë luftës 1998-99.
Përmes një postimi në Twitter, shefi i ekzekutivit ka thënë se viktimat e dhunës seksuale kanë nevojë për drejtësi dhe se autorët duhet të mbajnë përgjegjësi.
“Në Ditën Ndërkombëtare për Eliminimin e Dhunës Seksuale në Konflikt, ne qëndrojmë përkrah mijëra viktimave dhe të mbijetuarve të Kosovës nga ky krim, i përdorur si armë nga Serbia në luftën e viteve 1998-99. Viktimat e dhunës seksuale kanë nevojë për drejtësi dhe autorët duhet të mbajnë përgjegjësi”, ka shkruar Kurti.
Ndryshe, Qendra Kosovare për Rehabilitimin e të Mbijetuarve të Torturës (QKRMT) ka përsëritur kërkesën që të mos kufizohet afati për verifikimin e statusit të viktimave të dhunës seksuale.
Në tryezën “E drejta për njohje: Ndikimi i mungesës ligjore dhe afatizimit të aplikimit në procesin e njohjes për të mbijetuarit e dhunës seksuale gjatë luftës në Kosovë”, organizatat e licensuara kanë folur për shqetësimet e të mbijetuarve dhe stigmën me te cilën po ballafaqohen.
Drejtoresha e QKRMT-së, Feride Rushiti, tha se nuk duhet të kufizohet afati për trajtimin e rasteve të dhunës seksuale.
