Para disa ditësh në media u raportua se rep artisti dhe youtuberi serb, Baka Prase ka kopjuar këngën e artistëve Loredana dhe Noizy.
Pak ditë pas raportimeve kënga është fshirë nga kanali i “Youtubes”.
E arsyeja e fshirjes së projektit muzikor është shkelja e të drejtave të autorit.
Rikujtojmë se kënga “Heart Attack” për një periudhë të shkurtër mori vëmendjen e publikut e mediave duke marrë miliona klikime në platformat digjitale.
Largimin e këngës së artistit serb nga Youtube e ka konfirmuar edhe reperi nga Shqipëria, Noizy, përmes një ‘story’ në Instagram. Megjithëse, kënga e artistit serb mund të gjendet në kanale të tjera të Youtubes, pasi që është shpërndarë shumë.
