Albin Kurti është lakmitar i madh për pushtet, vlerësoi Kryetari i Aleancës për Ardhmërinë e Kosovës, Ramush Haradinaj.
“Po na del ndër më të etshmit për pushtet, më i etshmi që ka ekzistuar ndonjëherë”, u shpreh Haradinaj, derisa tha se nuk ka parë asnjëherë “ndryshim kaq të madh” të një pushtetari para dhe pas zgjedhjes sesa të Kryeministrit të Kosovës, Albin Kurti.
“Është e paimagjinueshme”, u shpreh Haradinaj. “Pra del që e ka qëllim pushtetin dhe këtë e dëshmon me kapje të institucioneve”.
Madje, Haradinaj u shpreh se Kryeministri ka krijuar edhe “lidhjet e tij të shkurtra” ku edhe anëtarët e bordeve i interviston vet.
“Krejt lidhjet e shkurtra që i ka krijue: borde, kompani, familjarë, militantë, deri te edhe për një ujësjellës, anëtarët e bordit i interviston Kurti. Pra, edhe për ujësjellësin se lëre më edhe për tjerat dhe dëshira me e kap çdo institucion shihet te ky”.
Ka me ia hangër krytë lakmia për pushtet”, beson kreu i AAK-së.
“Ekziston një dteori thojnë: Zullumi këputet prej trashit. Këtij ka me ia hangër kryet kjo lakmia e madhe me kapë shtetin dhe me e kapë pushtetin sepse o ka e bon pa kritere, me keqpërdorime të jashtëzakonshme, pa bazë ligjore, o ka e bon me sjellje të ulëta”, ka thënë Haradinaj
“Edhe kjo ka me i kushtu te shumë profesionistë, te shumë njerëz kredibil kanë me e pa që nuk qenka fare kriter ekspertiza apo diçka po vetëm a je lidhje e shkurtër, a je militant, a je një prej atyre që këta s’kanë dyshime në ty me bo dallavere me ty dhe korrupsioni i Qeverisë Kurti është më i keq se i të gjitha qeverive më herët për shkak se nuk është fare korrupsion, është lidhje e shkurtër”
