Cristiano Ronlado ka debutuar te Al Nassr në duelin ndaj Al Ettifaq që u luajt në kuadër të javës së 14-të në Superligën e Arabisë.
Ylli portugez e kompletoi kalimin te skuadra arabe si lojtar i lirë – pas intervistës shpërthyese me Piers Morgan ndaj Manchester United, duke shkëputur kontratën me pajtim të dyaanshëm, derisa raportohet se do të fitojë 200 milionë euro.
Al Nassr triumfoi 1-0 ndaj kundërshtarit në ligë, por që pesë herë fituesi i Topit të Artë nuk ia doli të lë gjurmë me gol në këtë sfidë.
Ishte Anderson Talisca, ai që realizoi golin, me një asistim të Al Sulaiheem, për të arkëtuar kështu ri pikë.
Ronaldo do të shpresojë që në takimin e radhës të arrij të shënojë golin e parë zyrtar në fanellën e Al Nassr, pasi pak ditë më parë shënoi dy sosh në miqësoren me Paris Saint-Germain.
Ekipi i 37-vjeçarit është aktualisht lider në ligë me 33 pikë, një më shumë se vendi i dytë, Al Hilal.
