Presidenti i ri i Turqisë nuk ka arritur të zgjidhet në zgjedhjet e mbajtura më 14 maj, pasi dy kandidatët kryesor, Recep Tayyip Erdogan dhe Kemal Kiliçdaroglu kanë qenë afër me vota.
Presidenti i ri do të zgjidhet më 28 maj.
Kështu ka bërë të ditur Komisioni i Zgjedhjeve të Turqisë.
Erdogani në raundin e parë ka fituar 49.51 për qind të votave, i ndjekur nga kundërkandidati i tij me 44.88 për qind të votave.
Pak para shpalljes nga kreu i këshillit zgjedhor Ahmet Yener, rivali i presidentit u bëri thirrje mbështetësve që të mos dëshpërohen, shkruan BBC.
Erdogani ka qenë në pushtet në Turqi për më shumë se 20 vjet, fillimisht si kryeministër dhe më pas si president, duke i zgjeruar kompetencat e tij edhe më tej pas një grushtshteti të dështuar në vitin 2016.
Me Kilicdaroglun si kandidat, opozita shihet se ka shanset e saj më të mira deri më tani për ta hequr atë nga pushteti, për shkak të një aleance të gjerë partish.
Yener tha se të gjitha kutitë e votimit nga votimi i së dielës ishin hapur dhe pjesëmarrja në Turqi ishte 88.92%. Megjithatë, ishte e qartë se një numër votash jashtë vendit ende nuk ishin numëruar.
Megjithatë, grupi ndërkombëtar i monitorimit OSBE, nënvizoi disa të meta në zgjedhje, duke vënë në dukje se Erdogani dhe partitë në pushtet kishin gëzuar “një avantazh të pajustifikuar’.
