Nga Aleanca për Ardhmërinë e Kosovës kanë folur pas takimit me emisarin evropian në dialog, Miroslav Lajçak.
Nënkryetari i AAK-së, Ardian Gjini ka thënë se qëndrimi i tyre rreth kësaj marrëveshje nuk ka ndryshuar dhe se si AAK e shohin marrëveshjen si një hap të madh përpara në rrethanat në të cilat gjendet Kosova.
Nga AAK kanë thënë se besojnë që me datën 18 Mars do të ketë marrëveshje për normalizim të marrëdhënieve.
“Kishim një takim të vlefshëm me Lajçak. U konfirmuan ato që AAK i ka thënë për një kohë të mjaftueshme për publikun. Ne mendojmë se Kosova është në një moment të rëndësishme dhe besojë se mundet me ecë përpara me një marrëveshje që është kornizuar. Haradinaj e përcolli te Lajçak mendimin e AAK-së se ka të arritura në këtë dokument, e kuptojmë se nuk ka njohje reciproke, por marrëveshja përmban elemente që e nxjerrin Kosovën në një situatë krejt tjetër. Nuk ka ndryshim të qëndrimin të AAK-së, e mbështesim këtë marrëveshje.
Kundër marrëveshjes janë shprehur kundër nga PDK edhe pas takimit me Lajçakun.
Kryetari i PDK-së, Memli Krasniqi ka thënë se ia kanë bërë të qartë Lajçakut rezervat për planin e BE-së, se e shohin si marrëveshje të pamjaftueshme që nuk i adreson qëllimet shtetërore të Kosovës.
Kreu i PDK-së thotë se ajo që kemi sot në tavolinë, është një marrëveshje e përkohshme, jo me njohjen e ndërsjellë por tashmë me Asociacionin në qendër.
Sipas tij, këtu përgjegjësia e Kurtit është direket për faktin që siç thotë Krasniqi, ai për dy vite ai e ka humbur mundësinë që të bindë mbështetësit tanë ndërkombëtarë për ta mbështetur Kosovën në qëllimet tona shtetërore e për të arritur njohjen e ndërsjellë.
