Brenda Klinikës së Gjinekologjisë së shpejti do të ofrohet edhe një shërbim i ri.
Reparti në të cilin do të kryhet intervenimi qe mundëson fekondimin artificial tashmë është gati.
Sipas drejtorit, blerja aparaturës se nevojshme është duke u bërë në bashkëpunim me Ministrinë e Shëndetësisë.
Madje kërkesat për këtë intervenim janë të shumta.
Se fundi, kjo çështje u bë aktuale pas deklaratës së nënkryetares së Kuvendit, Saranda Bogujevci ne lidhje me shtatzëninë e saj.
E një ditë me pas, Bogujevci në një intervistë detajoi deklaratën e dhënë në foltoren e kuvendit.
Nënkryetarja e Kuvendit foli për ligjin dhe mendësinë tradicionale rreth krijimit te familjes.
Kjo deklaratë ngjalli shumë reagime, madje edhe te kolegeve te saj nga partia.
Dikush tjetër e cilësoi edhe si te turpshme deklaratën e Bogujevcit.
Ndërsa, Besarta Breznica nga Rrjeti i Grave pohon që kjo është mendësi patriarkale.
Të enjten Kuvendi i Kosovës nuk ka pasur kuorum për të miratuar Projektligjin për shëndet riprodhues dhe fertilizim të asistuar mjekësor.
Televizioni tentoi të marrë një qëndrim nga Ministria e Shëndetësisë por të njëjtit nuk ishin të qasshëm.
